കണ്ണൂര്‍: പയ്യന്നൂര്‍, തായിനേരി, വെള്ളാരങ്ങര, ഭഗവതി ക്ഷേത്ര ഭണ്ഡാരപ്പുര കുത്തിത്തുറന്ന് കവര്‍ച്ച, ഇരുമ്പ് പെട്ടിയിലാക്കി സൂക്ഷിച്ചിരുന്ന രണ്ടരപ്പവന്‍ തൂക്കമുള്ള തിരുവാഭരണം നഷ്ടമായി. ജൂണ്‍ 29നും 30നും ഇടയിലാണ് കവര്‍ച്ച നടന്നതെന്നു സംശയിക്കുന്നു. ഭണ്ഡാരപ്പുരയുടെ വാതില്‍ തുറന്നു കിടക്കുന്നത് കണ്ടതിനെ തുടര്‍ന്ന് നടത്തിയ പരിശോധനയിലാണ് തിരുവാഭരണങ്ങള്‍ കവര്‍ച്ച പോയ കാര്യം വ്യക്തമായത്. ക്ഷേത്ര ഭാരവാഹികള്‍ നല്‍കിയ പരാതിയില്‍ പയ്യന്നൂര്‍ പൊലീസ് കേസെടുത്ത് അന്വേഷണം ആരംഭിച്ചു.
