കണ്ണൂര്: ശരീരത്തിനകത്ത് ഒളിപ്പിച്ച് കടത്തിയ 1.78 കിലോ ഗ്രാം സ്വര്ണ്ണവുമായി യുവാവ് അറസ്റ്റില്. കാസര്കോട് സ്വദേശി മെഹ്റൂഫ് മുഹമ്മദാണ് കണ്ണൂര് വിമാനത്താവളത്തില് അറസ്റ്റിലായത്. വെള്ളിയാഴ്ച രാവിലെ അബുദാബിയില് നിന്നുമെത്തിയ വിമാനത്തിലെ യാത്രക്കാരനായിരുന്നു മെഹ്റൂഫ്. കണ്ണൂര് വിമാനത്താവളം വഴി വന്തോതില് സ്വര്ണ്ണം കടത്താന് സാധ്യതയുണ്ടെന്ന വിവരം ലഭിച്ച കസ്റ്റംസും ഡി.ആര്.ഐ.യും നടത്തിയ സംയുക്ത നീക്കത്തിലൂടെയാണ് സ്വര്ണ്ണം പിടികൂടിയത്.
![](https://mlozaudj56ft.i.optimole.com/w:1373/h:773/q:mauto/f:best/https://malayalam.karavaldaily.com/wp-content/uploads/2024/07/asfhdba65454.jpg)