ഈ വര്ഷത്തെ എസ്എസ്എല്സി പരീക്ഷാഫലം പ്രഖ്യാപിച്ചു. 99. 69 ശതമാനമാണ് ഈ വര്ഷത്തെ വിജയം. വിജയശതമാനത്തില് കഴിഞ്ഞ വര്ഷത്തേക്കാള് നേരിയ കുറവുണ്ട്. മുന് വര്ഷം 99.7 ശതമാനമാനമായിരുന്നു വിജയം. 2023-24 വര്ഷത്തെ എസ്എസ്എല്സി, റ്റിഎച്ച്എസ്എല്സി, എഎച്ച്എസ്എല്സി പരീക്ഷാ ഫലങ്ങളാണ് വിദ്യാഭ്യാസ മന്ത്രി വി ശിവന്കുട്ടി പ്രഖ്യാപിച്ചത്.
71831 വിദ്യാര്ത്ഥികളാണ് എല്ലാ വിഷയങ്ങള്ക്കും എ പ്ലസ് നേടിയത്. എല്ലാ വിഷയങ്ങള്ക്കും എ പ്ലസ് നേടിയവരുടെ എണ്ണത്തില് മുന് വര്ഷത്തേക്കാള് വര്ധനവുണ്ട്. 68604 പേരാണ് കഴിഞ്ഞ വര്ഷം എല്ലാ വിഷയങ്ങള്ക്കും എ പ്ലസ് നേടിയത്. ഏറ്റവും കൂടുതല് വിജയ ശതമാനം കോട്ടയം ജില്ലയിലാണ്, 99.92%. ഏറ്റവും കുറവ് വിജയ ശതമാനം തിരുവനന്തപുരം ജില്ലയിലാണ് 99.08%. സര്ട്ടിഫിക്കറ്റുകള് ജൂണ് ആദ്യവാരം മുതല് നല്കും. സേ പരീക്ഷ മേയ് 28 മുതല് ജൂണ് 6 വരെ നടത്തും. ജൂണ് രണ്ടാംവാരം പരീക്ഷഫലം പ്രഖ്യാപിക്കും. മൂന്നു വിഷയങ്ങള്ക്കു വരെ സേ പരീക്ഷയെഴുതാം. പുനര്മൂല്യ നിര്ണയത്തിന് നാളെ മുതല് ഈമാസം 15 വരെ അപേക്ഷിക്കാം. പ്ലസ് വണ് പ്രവേശനത്തിന് ഈമാസം 16 മുതല് അപേക്ഷിക്കാം.
![](https://mlozaudj56ft.i.optimole.com/w:1373/h:773/q:mauto/f:best/https://malayalam.karavaldaily.com/wp-content/uploads/2024/07/card-play-arrest.jpg)