ഡല്ഹിയില് കുഴല് കിണറില് വീണയാള് ആളുടെ ജീവന് രക്ഷിക്കാനായില്ല. 14 മണിക്കൂര് നീണ്ട രക്ഷാദൗത്യത്തിനൊടുവില് യുവാവിനെ പുറത്തെടുത്തെങ്കിലും മരിച്ചിരുന്നു. കുഴല് കിണറില് വീണയാളെ മരിച്ച നിലയിലാണ് പുറത്തെടുത്തത്. 30 വയസ് പ്രായമുള്ള യുവാവ് ആണ് മരിച്ചതെന്നും ഇയാള് എങ്ങനെയാണ് കുഴല് കിണറില് വീണതെന്ന് അന്വേഷിക്കുമെന്നും ദൂരൂഹത സംബന്ധിച്ച് പൊലീസ് അന്വേഷണം നടക്കുമെന്നും ഡല്ഹി മന്ത്രി അതിഷി മര്ലെന പറഞ്ഞു. സംഭവത്തില് ഉത്തരവാദികളായവര്ക്കെതിരെ കര്ശന നടപടിയുണ്ടാകുമെന്നും ഡല്ഹിയില് തുറന്നു കിടക്കുന്ന കുഴല് കിണറുകള് 48 മണിക്കൂറിനുള്ളില് സീല് ചെയ്യാന് അടിയന്തിര നിര്ദേശം നല്കിയെന്നും മന്ത്രി വ്യക്തമാക്കി.
ഇന്ന് പുലര്ച്ചെ ഒരു മണിയോടെ ഡല്ഹി കേശോപുര് മാണ്ഡിക്ക് സമീപമുള്ള ദില്ലി ജല് ബോര്ഡിന്റെ സ്ഥലത്തെ കുഴല് കിണറിലാണ് യുവാവ് വീണത്. സംഭവം നടന്ന ഉടനെ അഞ്ച് യൂനിറ്റ് ഫയര്ഫോഴ്സും ഡല്ഹി പൊലീസുമാണ് ആദ്യം സ്ഥലത്തെത്തിയത്. ഇതിന് പിന്നാലെ എന്ഡിആര്എഫ് സംഘവും സ്ഥലത്തെത്തുകയായിരുന്നു. കുഴല് കിണറിന് സമാന്തരമായി മറ്റൊരു കുഴിയെടുത്താശേഷമാണ് യുവാവിനെ പുറത്തെടുത്തത്. വൈകിട്ട് മൂന്നോടെ യുവാവിനെ പുറത്തെടുത്തെങ്കിലും മരിച്ച നിലയിലായിരുന്നു. സംഭവത്തില് ദുരൂഹതയുണ്ടെന്നാണ് അധികൃതര് പറയുന്നത്. വീണത് ആരാണെന്ന് ഇതുവരെ തിരിച്ചറിയാനായിട്ടില്ല. പോസ്റ്റ്മോര്ട്ടത്തിനുശേഷമെ മരണകാരണം ഉള്പ്പെടെ വ്യക്തമാകുകയുള്ളുവെന്നും പൊലീസ് പറഞ്ഞു.
![](https://malayalam.karavaldaily.com/wp-content/uploads/2024/09/inbound1831818711874839327.jpg)