കണ്ണൂര്:ബൈക്കുകള് കൂട്ടിയിടിച്ചുണ്ടായ അപകടത്തില് രണ്ടുപേര് മരിച്ചു. കൂത്തുപറമ്പ്, നെരുവളളി വളവില് ഇന്നു പുലര്ച്ചെ 12.30മണിയോടെയാണ് അപകടം. ഇരു ദിശകളില് നിന്നും എത്തിയ ബൈക്കുകള് കൂട്ടിയിടിച്ചാണ് അപകടം ഉണ്ടായത്. ഏതാനും ദിവസം മുമ്പ് ഗള്ഫില് നിന്നും എത്തിയ പാനൂര്, പുത്തൂര്, ഓവുപാലം, കണ്ണങ്കോട്ടെ താഹ(26), കൂത്തുപറമ്പ്, പേറ്റുമ്മല് മുഹമ്മദ് സിനാന് (19) എന്നിവരാണ് മരിച്ചത്. ഗുരുതരമായി പരിക്കേറ്റ ഇരുവരെയും ഉടന് കണ്ണൂരിലെ സ്വകാര്യ ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല.
![](https://mlozaudj56ft.i.optimole.com/w:734/h:470/q:mauto/f:best/https://malayalam.karavaldaily.com/wp-content/uploads/2024/07/kuniya.jpg)