ഇറാൻ-ഇസ്രായേൽ സംഘർഷം: ഇറാനുമായുള്ള യുദ്ധം ഉടൻ അവസാനിച്ചേക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് പ്രസ്താവിച്ചു. ഇറാന്റെ സൈനിക ശേഷി തങ്ങൾ പുർണ്ണമായും തകർത്തതായും ഇനി അവിടെ ലക്ഷ്യം വെക്കാൻ ഒന്നുമില്ലെന്നും അദ്ദേഹം പറഞ്ഞു.
ആഗോള എണ്ണ പ്രതിസന്ധി: പശ്ചിമേഷ്യയിലെ യുദ്ധം കാരണം എണ്ണവില കുതിച്ചുയരുന്ന സാഹചര്യത്തിൽ, വിപണിയിലെ പ്രതിസന്ധി പരിഹരിക്കാൻ അന്താരാഷ്ട്ര ഊർജ്ജ ഏജൻസി തങ്ങളുടെ ശേഖരത്തിൽ നിന്ന് 400 ദശലക്ഷം ബാരൽ എണ്ണ വിട്ടുനൽകാൻ തീരുമാനിച്ചു.
കപ്പലുകൾക്ക് സംരക്ഷണം: ഹോർമുസ് കടലിടുക്കിൽ കപ്പലുകൾക്ക് നേരെ ആക്രമണം തുടരുന്ന പശ്ചാത്തലത്തിൽ, വ്യാപാര കപ്പലുകൾക്ക് അകമ്പടി സേവിക്കുന്നതിനെക്കുറിച്ച് ജി 7 രാജ്യങ്ങൾ ആലോചിക്കുന്നു.
ഇറാന്റെ ഭീഷണി: അന്താരാഷ്ട്ര തലത്തിൽ എണ്ണവില ബാരലിന് 200 ഡോളർ വരെ എത്താൻ തയ്യാറെടുത്തുകൊള്ളാൻ ഇറാൻ സൈനിക കമാൻഡ് മുന്നറിയിപ്പ് നൽകി.
ഇറാൻ ഫിഫ ലോകകപ്പിനില്ല: 2026 ഫിഫ ലോകകപ്പിൽ നിന്ന് ഇറാൻ പിന്മാറി. രാജ്യത്തിന്റെ പരമോന്നത നേതാവിനെതിരെ നടന്ന ആക്രമണങ്ങളുടെ പശ്ചാത്തലത്തിലാണ് ഈ തീരുമാനമെന്ന് ഇറാൻ കായിക മന്ത്രാലയം അറിയിച്ചു.
ലബനനിൽ ഇസ്രായേൽ ആക്രമണം: ലബനനിൽ ഇസ്രായേൽ നടത്തിയ ആക്രമണങ്ങളിൽ മരിച്ചവരുടെ എണ്ണം 570 കടന്നു. ആയിരക്കണക്കിന് ആളുകൾക്ക് പരിക്കേറ്റതായും റിപ്പോർട്ടുകളുണ്ട്.
എൽപിജി പ്രതിസന്ധി: പശ്ചിമേഷ്യൻ യുദ്ധത്തെത്തുടർന്ന് പാചകവാതക വിതരണം തടസ്സപ്പെട്ടതോടെ ഇന്ത്യയിലടക്കം ഇൻഡക്ഷൻ കുക്കറുകളുടെ വിൽപനയിൽ വലിയ വർദ്ധനവുണ്ടായി.
കുവൈറ്റ് വിമാനത്താവളം: കുവൈറ്റ് വിമാനത്താവളത്തിന് നേരെ ഇറാൻ നടത്തിയ ഡ്രോൺ ആക്രമണ നീക്കത്തെ സൗദി അറേബ്യയും ഖത്തറും ചേർന്ന് പരാജയപ്പെടുത്തിയതായി റിപ്പോർട്ടുകൾ.
ഐപിഎൽ 2026: ഐപിഎൽ പുതിയ സീസണിന്റെ ഷെഡ്യൂൾ പുറത്തുവന്നു. ആദ്യ മത്സരത്തിൽ ആർസിബിയും ഹൈദരാബാദും ഏറ്റുമുട്ടും.
ഫാറൂഖ് അബ്ദുള്ളയ്ക്ക് നേരെ വെടിവെപ്പ്: ജമ്മു കശ്മീർ മുൻ മുഖ്യമന്ത്രിയും നാഷണൽ കോൺഫറൻസ് അധ്യക്ഷനുമായ ഫാറൂഖ് അബ്ദുള്ള പങ്കെടുത്ത വിവാഹച്ചടങ്ങിനിടെ വെടിവെപ്പുണ്ടായി. അദ്ദേഹം പരിക്കേൽക്കാതെ രക്ഷപ്പെട്ടു. സുരക്ഷാ വീഴ്ചയിൽ മുഖ്യമന്ത്രി ഒമർ അബ്ദുള്ള കടുത്ത ആശങ്ക രേഖപ്പെടുത്തി.
സ്പീക്കർക്കെതിരായ പ്രമേയം തള്ളി: ലോക്സഭാ സ്പീക്കറെ നീക്കം ചെയ്യാനായി പ്രതിപക്ഷം കൊണ്ടുവന്ന അവിശ്വാസ പ്രമേയം ശബ്ദവോട്ടോടെ തള്ളി. സഭയിൽ ഭരണ-പ്രതിപക്ഷ തർക്കം രൂക്ഷമായിരുന്നു.
പ്രധാനമന്ത്രിയുടെ കേരള സന്ദർശനം: പ്രധാനമന്ത്രി നരേന്ദ്ര മോദി കേരളത്തിൽ വിവിധ പദ്ധതികളുടെ ഉദ്ഘാടനം നിർവഹിച്ചു. ബി.ജെ.പി.യുടെ സംസ്ഥാനത്ത തിരഞ്ഞെടുപ്പു പ്രചരണവും ഉദ്ഘാടനം ചെയ്തു പശ്ചിമേഷ്യൻ സംഘർഷങ്ങളുടെ പശ്ചാത്തലത്തിൽ രാജ്യത്ത് പാചകവാതക വിതരണത്തിന് നിയന്ത്രണങ്ങൾ ഏർപ്പെടുത്തി. ഗാർഹിക ഉപഭോക്താക്കൾ പരിഭ്രമിക്കേണ്ടതില്ലെന്ന് കേന്ദ്രമന്ത്രി ഹർദീപ് സിംഗ് പുരി അറിയിച്ചു. എന്നാൽ വ്യാവസായിക ആവശ്യങ്ങൾക്കുള്ള എൽ.പി.ജിക്ക് കർശന നിയന്ത്രണമുണ്ടാകും.
സ്വർണ്ണവില: ആഗോള വിപണിയിലെ മാറ്റങ്ങളെത്തുടർന്ന് സ്വർണ്ണവിലയിൽ ഇന്ന് വലിയ ഇടിവ് രേഖപ്പെടുത്തി. ഇറാൻ-ഇസ്രായേൽ സംഘർഷത്തിൽ ഇന്ത്യയുടെ ആശങ്ക വിദേശകാര്യമന്ത്രി എസ്. ജയ്ശങ്കർ ഇറാനെ അറിയിച്ചു. പേർഷ്യൻ ഗൾഫ് മേഖലയിൽ കുടുങ്ങിക്കിടക്കുന്ന ഇന്ത്യൻ നാവികരെയും കപ്പലുകളെയും സുരക്ഷിതമായി തിരിച്ചെത്തിക്കാനുള്ള നടപടികൾ തുടരുന്നു.
എയർ ഇന്ത്യ എക്സ്പ്രസ് അപകടം: ഹൈദരാബാദിൽ നിന്നും പുറപ്പെട്ട എയർ ഇന്ത്യ എക്സ്പ്രസ് വിമാനം തായ്ലൻഡിലെ ഫുക്കറ്റിൽ ലാൻഡിങ്ങിനിടെ അപകടത്തിൽപ്പെട്ടു. ലാൻഡിംഗ് ഗിയറിന് തകരാർ സംഭവിച്ചെങ്കിലും യാത്രക്കാർ സുരക്ഷിതരാണ്.
