കാസർകോട്:ചുമട്ടുതൊഴിലാളികൾക്കു കുറഞ്ഞ പെൻഷൻ 5000 രൂപവേണമെന്നു ഹെഡ് ലോഡ് ആൻഡ് ജനറൽ മസ്ദൂർ സംഘ് (ബിഎംഎസ്) ജില്ലാ സമ്മേളനം ആവശ്യപ്പെട്ടു. ജില്ലാ പ്രസിഡന്റ് കെ വി ബാബു അധ്യക്ഷത വഹിച്ചു. ഫെഡറേഷൻ സംസ്ഥാന പ്രസിഡണ്ട് കെ. ജയകുമാർ ഉദ്ഘാടനം ചെയ്തു. സംസ്ഥാന വൈസ് പ്രസിഡണ്ട് പി മുരളീധരൻ ,ഉപേന്ദ്രൻ കോട്ടക്കണ്ണി പ്രസംഗിച്ചു. ജില്ലാ പ്രസിഡണ്ട്മാരായി ഭാസ്കരൻ ചെമ്പിലോട്ട്, സദാശിവൻ മുള്ളേരിയ, തങ്കച്ചൻ പാണത്തൂർ, അനീഷ് പറക്കളായി എന്നി വരെയും ജനറൽ സെക്രട്ടറിയായി ദിനേശ് ബംബ്രാണ യെയും സെക്രട്ടറിമാരായി പുനിത് മാന്യ , രഞ്ജിത്ത്ചെർക്കള . ജിതിൻ ബാബു നീലേശ്വരം, ഉമേഷ് മാന്യ, നാരായണൻ പരവനടുക്കം എന്നി വരെയും ട്രഷററായി രവി ബദിയടുക്കയെയും തിരഞ്ഞെടുത്തു. 11 അംഗ കമ്മിറ്റിയും തിരഞ്ഞെടുത്തു. കലാ,കായിക,വിദ്യാഭ്യാസ,രംഗങ്ങളിൽ ഉന്നത വിജയം നേടിയ തൊഴിലാളികളുടെ മക്കളെ ആദരിച്ചു. ജനറൽ സെക്രട്ടറി ദിനേഷ് ബംബ്രാണ സ്വാഗതവും സദാശിവൻ മുള്ളേരിയ നന്ദിയും പറഞ്ഞു.
