കണ്ണൂര്: ആറളം ഫാമില് കാട്ടാനയുടെ ചവിട്ടേറ്റ് യുവാവ് കൊല്ലപ്പെട്ടു. ആദിവാസികളെ പുനരധിവസിപ്പിച്ച പത്താം ബ്ലോക്കിലെ താമസക്കാരന് അനീഷ് (40) ആണ് മരിച്ചത്. വെള്ളിയാഴ്ച പുലര്ച്ചെ നാലുമണിയോടെയാണ് സംഭവം. വീട്ടുമുറ്റത്ത് നില്ക്കുകയായിരുന്ന അനീഷിന് നേരെ കാട്ടാന പാഞ്ഞടുക്കുകയായിരുന്നുവെന്ന് പറയുന്നു. അനീഷിന്റെ നെഞ്ചിലടക്കം ചവിട്ടേറ്റു. ഉടന്തന്നെ പേരാവൂര് താലൂക്ക് ആശുപത്രിയില് എത്തിച്ചു. അവിടെനിന്ന് പരിയാരം മെഡിക്കല് കോളേജിലേക്ക് കൊണ്ടുപോകുന്നതിനിടെ മരണം സംഭവിച്ചു.
ഒരിടവേളയ്ക്ക് ശേഷം ആറളം ഫാമില് വീണ്ടും കാട്ടാന ആക്രമണം രൂക്ഷമാവുകയാണ്. നേരത്തെ, രണ്ടുപേര് ആറളം ഫാമില് കാട്ടാനയുടെ ആക്രമണത്തില് കൊല്ലപ്പെട്ടിരുന്നു.
