തൃശ്ശൂര്: ഉത്സവത്തിനിടെ ഇടഞ്ഞ ആന യുവാവിനെ തുമ്പിക്കൈയ്യില് ചുറ്റിയെടുത്ത് വലിച്ചെറിഞ്ഞു. ഗുരുതരമായി പരിക്കേറ്റ യുവാവിനെ എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചു. എരയാകുടി തുറന്നല്ലൂര് മനയില് വിവേകിനെയാണ് ആന വലിച്ചെറിഞ്ഞത്.തൃശൂര് അന്നമനട മഹാദേവ ക്ഷേത്രത്തിലെ ഉത്സവത്തിനിടയിലാണ് സംഭവം. അത്തിക്കാവ് കാര്ത്തികേയന് എന്ന ആനയാണ് ഇടഞ്ഞത്. എഴുന്നള്ളിപ്പിനായി തിടമ്പ് ആനപ്പുറത്ത് ഏറ്റുന്നതിനിടയില് അരികില് നില്ക്കുകയായിരുന്ന വിവേകിനെ തുമ്പിക്കൈയ്യില് ചുറ്റിയെടുത്ത് വലിച്ചെറിയുകയായിരുന്നുവെന്ന് ദൃക്സാക്ഷികള് പറഞ്ഞു.
