കാസര്കോട്: മദ്യലഹരിയില് ഓടിച്ച ഓട്ടോ, എതിരെ വരികയായിരുന്ന ഇലക്ട്രിക് ഓട്ടോയില് ഇടിച്ച് അപകടം. യാത്രക്കാർക്ക് പരിക്കേൽക്കാൻ ഇടയാക്കിയ അപകടത്തിൽ മംഗല്പ്പാടി, അടുക്കയിലെ എം എ അബ്ദുല് ഹക്കീമി(53)നെതിരെ കുമ്പള എസ് ഐ കെ ശ്രീജേഷ് സ്വമേധയാ കേസെടുത്തു.
ശനിയാഴ്ച വൈകുന്നേരം ആറേമുക്കാല് മണിയോടെ ബന്ദിയോട്- പെര്മുദെ റോഡിലെ അട്ക്കയിലാണ് അപകടം. പട്രോളിംഗ് നടത്തുകയായിരുന്നു എസ് ഐയും സംഘവും. ഓട്ടോ റിക്ഷകൾ അപകടത്തിൽപ്പെട്ട വിവരമറിഞ്ഞാണ് പൊലീസ് സ്ഥലത്ത് എത്തിയത്. ഈ സമയത്ത് അപകടത്തിനു ഇടയാക്കിയ ഓട്ടോയില് ഇരിക്കുകയായിരുന്നു ഡ്രൈവര്. മദ്യപിച്ചിട്ടുണ്ടെന്ന സംശയത്തിന്റെ അടിസ്ഥാനത്തില് ആല്ക്കോ മീറ്റര് ഉപയോഗിച്ച് പരിശോധിച്ചു മദ്യപിച്ചതായി ഉറപ്പാക്കിയ ശേഷം ഡ്രൈവറെ മംഗല്പ്പാടി താലൂക്കാശുപത്രിയില് എത്തിച്ച് വൈദ്യ പരിശോധന നടത്തി. തുടർന്ന് നോട്ടീസ് നല്കി വിട്ടയക്കുകയായിരുന്നുവെന്നു പൊലീസ്കൂട്ടിച്ചേര്ത്തു.
ഇന്ഫ്ളുവന്സര് ചിന്നുപാപ്പുവിന്റെ മരണം; ആണ് സുഹൃത്ത് തൂങ്ങി മരിച്ച നിലയില്
Sunday, 15 February 2026, 15:18
