കുമ്പള: ചേവാര് റോഡില് അര്ദ്ധരാത്രി സംഘം ചേര്ന്നു സംഘട്ടനത്തിലേര്പ്പെട്ട മൂന്നു പേരെ പൊലീസ് അറസ്റ്റു ചെയ്തു. ഇവരെ മംഗല്പ്പാടി ആശുപത്രിയില് വൈദ്യപരിശോധനക്കു വിധേയരാക്കിയ ശേഷം പൊലീസ് അറസ്റ്റു ചെയ്തു.
രാത്രി പെട്രോളിംഗിനിടെയാണ് ചേവാറിലെ ഒരു ചായകടക്കു മുന്നില് പത്തംഗസംഘം സംഘട്ടനം നടത്തുന്നതു പൊലീസിന്റെ ശ്രദ്ധയില്പ്പെട്ടത്. പൊലീസ് ആക്രമികള്ക്കടുത്തു പാഞ്ഞെത്തിയെങ്കിലും അവര് അക്രമം തുടരുയായിരുന്നു. അക്രമത്തില് നിന്നു ഇവരെ പിന്തിരിപ്പിക്കാന് നടത്തിയ സമാധാന ദൗത്യം പരാജയപ്പെട്ടതോടെ പൊലീസ് ബലം പ്രയോഗിച്ചു. ലാത്തിയടിയുടെ ചൂടറിഞ്ഞ ഏഴുപേര് ഓടി രക്ഷപ്പെട്ടു. എന്നാല് മൂന്നു പേര് പിന്മാറാതെ ഉറച്ചു നിന്നു. ബംബ്രാണ ബായിക്കട്ടയിലെ മുഹമ്മദ് ജാസിം സി എ (20), ബത്തേരി എം എം ഹൗസിലെ ഹമീദലി താഹിര് (22), ഉളുവാര് സഹാദിയ മന്സിലിലെ അബ്ദുല് ജലീല് എന്നിവരെ എസ് ഐ അബ്ദുല് സലാമിന്റെ നേതൃത്വത്തില് അറസ്റ്റു ചെയ്തു. ഇവരെ പിന്നീട് മെഡിക്കല് പരിശോധനക്കു വിധേയമാക്കിയ ശേഷമായിരുന്നു അറസ്റ്റ്.
നിയമന സ്തംഭനം: കാസര്കോട്ട് പിഎസ്സി ഓഫീസ് താഴിട്ട് പൂട്ടാന് ശ്രമം; കെഎസ് യു പ്രവര്ത്തകര് അറസ്റ്റില്
Friday, 13 February 2026, 12:41
