കാസർകോട്: പണിമുടക്ക് ആഘോഷമാക്കി തൊഴിലാളികളും എളേരി ഗവ.കോളേജ് വിദ്യാർഥികളും . എളേരി- മംഗ്ളൂരു റൂട്ടിൽ ഓടുന്ന കാസർകോട് ഡിപ്പോയിലെ ബസാണ് പണിമുടക്ക് ദിവസം കഴുകി വൃത്തിയാക്കിയത്.തൊഴിലാളികളായ ജോമോൻ,സജിത്ത്, സുനിൽ എളേരിത്തട്ട് എന്നിവരും കോളേജിലെ വിദ്യാർത്ഥികളും സംബന്ധിച്ചു. ഈ ബസിലെ യാത്രക്കാരും സ്ഥിരം ജീവനക്കാരും ചേർന്നുള്ള വാട്ട്സ്ആപ്പ് കൂട്ടായ്മ വർഷങ്ങളായി പ്രവർത്തിക്കുന്നുണ്ട്. എങ്കിലും ആദ്യമായാണ് തൊഴിലാളികൾ വിദ്യാർത്ഥികളുടെ സഹകരണത്തോടെ ഇത്തരമൊരു സംരംഭത്തിൽ ഏർപ്പെട്ടതെന്നു ബന്ധപ്പെട്ടവർ പറഞ്ഞു.