തിരുവനന്തപുരം: ശബരിമല സ്വര്ണക്കൊള്ള കേസുമായി ബന്ധപ്പെട്ട് യു.ഡി.എഫ് കണ്വീനര് അടൂര് പ്രകാശിനെ പ്രത്യേക അന്വേഷണ സംഘം ചോദ്യം ചെയ്തത് രണ്ടര മണിക്കൂര് നേരം. ക്രൈംബ്രാഞ്ച് ആസ്ഥാനത്ത് വച്ചായിരുന്നു ചോദ്യം ചെയ്യല്. അന്വേഷണ സംഘം ചോദിച്ച ചോദ്യങ്ങള്ക്കെല്ലാം മറുപടി നല്കിയിട്ടുണ്ട്. എന്തൊക്കെയാണ് ചോദിച്ചതെന്ന് പറയാനാകില്ല. ചോദ്യം ചെയ്യലില് അസ്വാഭാവികത ഉണ്ടെന്ന് കരുതുന്നില്ല, ചോദ്യം ചെയ്യലിന് ശേഷം പുറത്തിറങ്ങിയ അടൂര് പ്രകാശ് പറഞ്ഞു.
സ്വര്ണക്കൊള്ള കേസിലെ മുഖ്യപ്രതി ഉണ്ണികൃഷ്ണന് പോറ്റിയും കോണ്ഗ്രസ് നേതാവ് സോണിയ ഗാന്ധിയും, അടൂര് പ്രകാശും ഒന്നിച്ചുള്ള ഫോട്ടോ നേരത്തെ പുറത്തുവന്നിരുന്നു. ഇതിന്റെ അടിസ്ഥാനത്തിലാണ് അടൂര് പ്രകാശിനെ അന്വേഷണ സംഘം ക്രൈംബ്രാഞ്ച് ആസ്ഥാനത്തേക്ക് വിളിച്ചുവരുത്തി ചോദ്യം ചെയ്തത്.
