റീല്സ് ചിത്രീകരണത്തിനിടയില് ഉണ്ടായ പിഴവില് മനം നൊന്ത് യുവാവ് ജീവനൊടുക്കി; സംഭവം ആരിക്കാടിയില്
കാസര്കോട്: റീല്സ് ചിത്രീകരണത്തിനിടയില് ഉണ്ടായ പിഴവില് മനം നൊന്താണെന്നു പറയുന്നു, യുവാവ് കിടപ്പുമുറിയില് തൂങ്ങി മരിച്ചു. കുമ്പള, ആരിക്കാടി, ഒഡ്ഡു ഗ്രൗണ്ടിനു സമീപത്തെ ബാബുവിന്റെ മകന് സന്തോഷ് (30)ആണ് മരിച്ചത്. വെള്ളിയാഴ്ച രാത്രി 11 മണിയോടെയാണ് സംഭവം. റീല്സ് ചിത്രീകരിച്ച് സമൂഹമാധ്യമത്തില് പോസ്റ്റു ചെയ്യുന്ന ആളാണ് സന്തോഷെന്നു ബന്ധുക്കള് പറഞ്ഞു.വെള്ളിയാഴ്ച തെര്മ്മോക്കോളുമായി ബന്ധപ്പെട്ട റീല്സ് ചിത്രീകരിച്ചിരുന്നതായി പറയുന്നു. ഇതിനിടയില് തെര്മ്മോക്കോള് പൊട്ടിപ്പോവുകയും ഇതിന്റെ വീഡിയോ സുഹൃത്തിനു അയച്ചു കൊടുത്ത് വിഷമം അറിയിച്ചിരുന്നുവത്രെ. തൊട്ടുപിന്നാലെ സുഹൃത്ത് സന്തോഷിനെ ഫോണ് …
