കോഴിക്കോട്: സര്ക്കാര് മാനസികാരോഗ്യ കേന്ദ്രത്തിലെ രോഗി വിഴുങ്ങിയ കത്രിക ശസ്ത്രക്രിയയിലൂടെ പുറത്തെടുത്തു. ഭക്ഷണം കഴിക്കാത്തതിനെ തുടര്ന്ന് തിങ്കളാഴ്ച വൈകിട്ടാണ് യുവാവിനെ മെഡിക്കല് കോളജിലെ അത്യാഹിത വിഭാഗത്തില് പ്രവേശിപ്പിച്ചത്.
എക്സറേ പരിശോധനയില് അന്നനാളത്തില് കത്രിക കുടുങ്ങി കിടക്കുന്നതായി കണ്ടെത്തി. തുടര്ന്ന് മെഡിക്കല് കോളജ് ആശുപത്രിയില് നടത്തിയ ശസ്ത്രക്രിയയിലൂടെ 15 സെന്റി മീറ്റര് നീളമുള്ള കത്രിക പുറത്തെടുക്കുകയായിരുന്നു. ഇഎന്ടി വിഭാഗത്തിലെ ഡോ. ശ്രീജിത്തിന്റെ നേതൃത്വത്തിലാണ് ശസ്ത്രക്രിയ നടന്നത്. രോഗിയുടെ ആരോഗ്യനില തൃപ്തികരമാണെന്ന് അധികൃതര് വ്യക്തമാക്കി.
