ന്യൂഡല്ഹി: ശ്വാസതടസത്തെ തുടര്ന്ന് സോണിയ ഗാന്ധിയെ ഡല്ഹിയിലെ ഗംഗ റാം ആശുപത്രിയില് പ്രവേശിപ്പിച്ചു. ആരോഗ്യനില തൃപ്തികരമാണെന്ന് കോണ്ഗ്രസ് നേതൃത്വം അറിയിച്ചു. പതിവ് പരിശോധനയ്ക്കായി എത്തിയതാണെന്നായിരുന്നു ആശുപത്രി അധികൃതര് നല്കിയ വിശദീകരണം.
നിലവില് സോണിയ ഗാന്ധി ചെസ്റ്റ് ഫിസിഷ്യന്റെ നിരീക്ഷണത്തില് കഴിയുകയാണ്. വിട്ടുമാറാത്ത ചുമയെ തുടര്ന്ന് ന്നും ഡല്ഹിയിലെ മലിനമായ അന്തരീക്ഷം കണക്കിലെടുത്തും സോണിയ ഗാന്ധി ഇടയ്ക്കിടെ പരിശോധനകള് നടത്താറുണ്ടെന്ന് ആശുപത്രി അധികൃതര് വ്യക്തമാക്കി. തിങ്കളാഴ്ച രാത്രിയാണ് സോണിയ ഗാന്ധിയെ ആശുപത്രിയില് പ്രവേശിപ്പിച്ചത്.
