പി പി ചെറിയാൻ

ജോർജിയ: അമേരിക്കയിലെ ജോർജിയയിലുള്ള സാവന്നയിൽ പാർക്കിലൂടെ നടക്കുകയായിരുന്ന യുവതിക്ക് നേരെ ആസിഡ് ആക്രമണം നടത്തിയ പ്രതിക്കായി എഫ്.ബി.ഐ അന്വേഷണം ഊർജിതമാക്കി.

ഡിസം. 10-ന് ഫോർസിത്ത് പാർക്കിന് സമീപം വെച്ച് 46-കാരിയായ ആഷ്‌ലി വാസിലീവ്സ്കിക്കാണ് ആക്രമണമേറ്റത്. ശരീരത്തിന്റെ പകുതിയോളം ഭാഗത്ത് ഗുരുതരമായി പൊള്ളലേറ്റ ഇവർ ചികിത്സയിലാണ്.

ഡിസംബർ 10 രാത്രി 7 നും 8:30 നുമിടയിൽ വീട്ടുവാതിൽക്കലെ ക്യാമറ ദൃശ്യങ്ങളോ സെക്യൂരിറ്റി ദൃശ്യങ്ങളോ ഉണ്ടെങ്കിൽ നൽകണമെന്ന് അധികൃതർ പ്രദേശവാസികളോട് അഭ്യർത്ഥിച്ചു.

പ്രതിഫലം: പ്രതിയെ പിടികൂടാൻ സഹായിക്കുന്ന വിവരങ്ങൾ നൽകുന്നവർക്ക് എഫ്.ബി.ഐ 5,000 ഡോളർ പ്രതിഫലം പ്രഖ്യാപിച്ചു.

യുവതിയുടെ ചികിത്സാ ചെലവുകൾക്കായി ഇതിനോടകം 2,60,000 ഡോളറിലധികം തുക സമാഹരിച്ചിട്ടുണ്ട്.