കാസര്‍കോട്: അറസ്റ്റിലായ വാറന്റുപ്രതി വിദ്യാനഗര്‍ പൊലീസ് സ്റ്റേഷനില്‍ അക്രമാസക്തനായി. തലയിടിച്ച് ജനല്‍ ഗ്ലാസ് തകര്‍ത്തു. തടയാന്‍ ശ്രമിച്ച എസ് ഐയെയും പൊലീസുകാരനെയും ആക്രമിച്ചു. സംഭവത്തില്‍ നെക്രാജെ, ചൂരിപ്പള്ളം ഹൗസിലെ പി എ അബ്ദുല്‍ നിഷാദി (28)നെ വിദ്യാനഗര്‍ പൊലീസ് ഇന്‍സ്‌പെക്ടര്‍ കെ പി ഷൈന്‍ അറസ്റ്റു ചെയ്തു. തിങ്കളാഴ്ച വൈകുന്നേരം വിദ്യാനഗര്‍ പൊലീസ് സ്റ്റേഷനിലാണ് സംഭവം. വാറന്റു പ്രതിയായ അബ്ദുല്‍ നിഷാദിനെ കസ്റ്റഡിയിലെടുത്ത് സ്റ്റേഷനില്‍ എത്തിച്ച ഉടനെ പ്രതി അക്രമാസക്തനാവുകയും തലയിടിച്ച് ജനല്‍ഗ്ലാസ് തകര്‍ക്കുകയായിരുന്നുവെന്നു പൊലീസ് പറഞ്ഞു. തടയാന്‍ ശ്രമിച്ച ജൂനിയര്‍ എസ് ഐ കെ.പി.സഫ്‌വാന്‍ (30), സിവില്‍ പൊലീസ് ഓഫീസര്‍ പ്രജിത്ത് (30) എന്നിവരെ കയ്യേറ്റം ചെയ്യുകയായിരുന്നു. പ്രതിയെ കീഴടക്കി ജനറല്‍ ആശുപത്രിയില്‍ എത്തിച്ച് വൈദ്യ പരിശോധനയ്ക്ക് വിധേയനാക്കിയ ശേഷം ഔദ്യോഗിക കൃത്യനിര്‍വ്വഹണത്തിനു കേസെടുത്ത് അറസ്റ്റു ചെയ്യുകയായിരുന്നുവെന്നു പൊലീസ് കൂട്ടിച്ചേര്‍ത്തു. 12 കേസുകളില്‍ പ്രതിയാണ് അബ്ദുല്‍ നിഷാദെന്നു പൊലീസ് വ്യക്തമാക്കി.
സീറ്റ് വിഭജന തര്ക്കം; കാസര്‍കോട് ഡിസിസി ഓഫീസില് കോണ്ഗ്രസ് നേതാക്കളുടെ തമ്മില്ത്തല്ല്
Thursday, 20 November 2025, 13:58
