കാസർകോട്: വീട്ടുപറമ്പിൽ നിന്നും തേങ്ങ പറിക്കുന്നതിനിടയിൽ തെങ്ങുകയറ്റ തൊഴിലാളി വീണു മരിച്ചു. ബങ്കളം പള്ളത്തുവയലിലെ പി.വി കൊട്ടൻ (65) ആണ് മരിച്ചത്. ഞായറാഴ്ച്ച വീട്ടു പറമ്പിലെ തെങ്ങിൽ നിന്നും തേങ്ങ ഇടുമ്പോഴാണ് സംഭവം. തെങ്ങിൽ നിന്നും വീണ കൊട്ടനെ ഉടൻ നീലേശ്വരത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനായി ജില്ലാ ആശുപത്രി മോർച്ചറിയിലേക്ക് മാറ്റി. ഭാര്യ: കാർത്യായനി. മക്കൾ: നിധിൻ, നിഖില, നിത്യ. മരുമക്കൾ: സന്തോഷ്, പ്രശാന്ത് (തൃക്കരിപ്പൂർ).