തിരുവനന്തപുരം: ആശുപത്രിയിൽ ഭാര്യയെ കഴുത്തുഞെരിച്ച് കൊന്നശേഷം ഭർത്താവ് ആത്മഹത്യയ്ക്ക് ശ്രമിച്ചു. പട്ടം എസ്യുടി ആശുപത്രിയിൽ വ്യാഴാഴ്ച രാവിലെയാണ് സംഭവം കൊലപാതകം നടന്നത്. കരകുളം സ്വദേശി ജയന്തിയാണ് മരിച്ചത്. ഇലക്ട്രിക് ബെഡ് ചാര്‍ജ് ചെയ്യാനുപയോഗിക്കുന്ന കേബിൾ ഉപയോഗിച്ച് കഴുത്തു ഞെരിച്ചു ഭാര്യയെ കൊന്നശേഷം ഭർത്താവ് ഭാസുരൻ കെട്ടിടത്തിന് മുകളിൽ നിന്ന് ചാടി ആത്മഹത്യയ്ക്ക് ശ്രമിക്കുകയായിരുന്നുവെന്നാണ് വിവരം. പരിക്കേറ്റ ഭാസുരൻ ഇപ്പോൾ എസ്യുടി ആശുപത്രിയിൽ ചികിത്സയിലാണ്. ഒമ്പത് ദിവസമായി വൃക്ക രോഗിയായ ജയന്തി ആശുപത്രിയിൽ ചികിത്സയിലായിരുന്നു. പൊലീസ് അന്വേഷണം ആരംഭിച്ചു.
