കണ്ണൂര്: പാലക്കാട് എംഎല്എ രാഹുല് മാങ്കൂട്ടത്തിലിനെതിരേ ഫെയ്സ്ബുക്കില് പോസ്റ്റുമായി കണ്ണൂര് മുന് ജില്ലാ പഞ്ചായത്ത് പ്രസിഡന്റ് പി.പി ദിവ്യ. ‘കേരള യൂത്ത് കോണ്ഗ്രസ് പ്രസിഡന്റ് വില്പ്പനയ്ക്ക്. സെക്കന്ഡ്ഹാന്ഡ്. സ്ഥലം പാലക്കാട്. വില 000’ എന്ന കുറിപ്പോടെയാണ് രാഹുലിന്റ ഫോട്ടോ അടങ്ങിയ പോസ്റ്ററും ഫെയ്സ്ബുക്കില് പങ്കുവെച്ചത്. ‘കര്മ്മ’ എന്നാണ് പിപി ദിവ്യ ഫെയ്സ്ബുക്കില് കുറിച്ചത്. യുവനടിക്ക് അശ്ലീല സന്ദേശമയച്ച വിഷയത്തില് ഉയര്ന്ന വിവാദങ്ങളെ തുടര്ന്ന് യൂത്ത് കോണ്ഗ്രസ് അധ്യക്ഷസ്ഥാനം രാഹുല് മാങ്കൂട്ടത്തില് രാജിവെച്ചിരുന്നു. രാഹുലിന്റെ രാജിക്ക് പിന്നാലെയാണ് പിപി ദിവ്യയുടെ പ്രതികരണം എത്തിയത്. പാലക്കാട് ഉപതിരഞ്ഞെടുപ്പ് നടക്കുന്ന സമയത്തായിരുന്നു നവീന് ബാബുവിന്റെ മരണവുമായി ബന്ധപ്പെട്ട് പിപി ദിവ്യക്കെതിരെ കേസ് വന്നത്. അധികാരത്തിന്റെ അഹന്തയില് പച്ച ജീവനെ കൊന്നുവെന്നായിരുന്നു അന്ന് രാഹുല് മാങ്കൂട്ടത്തില് പരിഹസിച്ചത്.
ഇന്ഫ്ളുവന്സര് ചിന്നുപാപ്പുവിന്റെ മരണം; ആണ് സുഹൃത്ത് തൂങ്ങി മരിച്ച നിലയില്
Sunday, 15 February 2026, 15:18
