കാസര്‍കോട്: ഒളിച്ചോട്ടം സംബന്ധിച്ച വിവരം വാട്‌സ് ആപ്പില്‍ പ്രചരിപ്പിച്ചുവെന്നു ആരോപിച്ച് യുവതിയെ ആക്രമിച്ചുവെന്ന പരാതിയില്‍ ചന്തേര പൊലീസ് കേസെടുത്തു. പടന്ന, മാര്‍ക്കറ്റ് റോഡില്‍ പടിഞ്ഞാറെ പുരയിലെ എം തസ്ലീമ (36)യാണ് പരാതിക്കാരി. പടന്നയിലെ മുസ്തഫ, ഭാര്യ നുസൈബ, സഹായി മൂസാന്‍ കുട്ടി എന്നിവര്‍ക്കെതിരെയാണ് കേസെടുത്തത്.
ഞായറാഴ്ച രാത്രി 10.40 മണിയോടെയാണ് കേസിനാസ്പദമായ സംഭവം. തസ്ലീമയുടെ വീട്ടുമുറ്റത്തേയ്‌ക്കെത്തിയ പ്രതികള്‍ തസ്ലീമയെ തടഞ്ഞു നിര്‍ത്തി അടിച്ചു പരിക്കേല്‍പ്പിക്കുകയും കൊല്ലുമെന്നു ഭീഷണിപ്പെടുത്തുകയായിരുന്നുവെന്നു ചന്തേര പൊലീസ് രജിസ്റ്റര്‍ ചെയ്ത കേസില്‍ പറയുന്നു. കേസിലെ രണ്ടാം പ്രതിയായ നുസൈബ ഒന്നാം പ്രതിയായ മുസ്തഫയുടെ കൂടെ ഒളിച്ചോടിയ കാര്യം തസ്ലീമ വാട്‌സ് ആപ്പില്‍ പ്രചരിപ്പിച്ച വിരോധമാണ് അക്രമത്തിനു ഇടയാക്കിയതെന്നു കേസില്‍ കൂട്ടിച്ചേര്‍ത്തു.
പാറമ്മല് കിഴക്കേ വീട്ടില് കെ.നാരായണന് അന്തരിച്ചു
Friday, 15 August 2025, 14:58
