കാസർകോട്: വീട്ടിൽ അതിക്രമിച്ച് കയറി യുവതിയെ മാനഭംഗപ്പെടുത്തിയതായി പരാതി. സംഭവത്തിൽ കേസെടുത്ത ചിറ്റാരിക്കാൽ പൊലീസ് പ്രതിയെ അറസ്റ്റു ചെയ്തു. ലിനേഷ് (41) എന്നയാളാണ് അറസ്റ്റിലായത് . കഴിഞ്ഞ ദിവസം രാത്രി 1.30 ന് ചിറ്റാരിക്കാൽ പൊലീസ് സ്റ്റേഷൻ പരിധിയിലാണ് സംഭവം. മദ്യലഹരിയിലായിരുന്ന ലിനേഷ് വീട്ടിൽ അതി ക്രമിച്ച് കയറി ഉറങ്ങികിടക്കുകയായിരുന്ന 45 കാരിയെ കയറിപ്പിടിക്കുകയായിരുന്നുവെന്നാണ് കേസ്. യുവതി ബഹളം വച്ചതോടെ അക്രമി ഓടി രക്ഷപെട്ടു. പിന്നീട് പൊലീസെത്തിയാണ് പിടികൂടിയത്.