കാസര്‍കോട്: യുവാവിനെ വീട്ടുമുറ്റത്തെ കിണറ്റില്‍ വീണു മരിച്ച നിലയില്‍ കണ്ടെത്തി. കുണ്ടംകുഴി വ്യാപാരി ഭവന് സമീപത്തെ ഇബ്രാഹിമിന്റെ മകന്‍ മജീദാ(37)ണ് മരിച്ചത്. ചൊവ്വാഴ്ച അര്‍ധരാത്രിയോടെയാണ് സംഭവം. വീടിന് പുറത്തുനിന്ന് ശബ്ദം കേട്ട പിതാവാണ് മകന്‍ കിണറില്‍ വീണിട്ടുണ്ടെന്ന സംശയം അയല്‍വാസികളെ അറിയിച്ചത്. തുടര്‍ന്ന് കുറ്റിക്കോല്‍ ഫയര്‍ഫോഴ്‌സിനെ വിവരം അറിയിക്കുകയായിരുന്നു. മജീദിനെ കിണറിന് പുറത്തെത്തിച്ചുവെങ്കിലും മരിച്ചിരുന്നു. മൃതദേഹം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആശുപത്രിയിലേക്ക് മാറ്റി. ബേഡകം പൊലീസ് ഇന്‍ക്വസ്റ്റ് നടത്തി. കുണ്ടംകുഴിയിലെ ഡ്രൈവറായിരുന്നു മജീദ്. സൈനബിയാണ് മാതാവ്. സഹോദരങ്ങള്‍: മുസ്തഫ, സിദ്ദീഖ്, ആദം, സുഹറ, മിസിരിയ, ആയിഷ.
മുന്‍ എംഎല്‍എ എം.നാരായണന് ബങ്കളം നാടിന്റെ യാത്രാമൊഴി
Wednesday, 6 August 2025, 12:36
