കാസര്‍കോട്: മാപ്പിള കലാകാരനും ഗായകനുമായ കാഞ്ഞങ്ങാട്ടെ എം.കെ മന്‍സൂര്‍ (44) അന്തരിച്ചു. വടകരമുക്ക്, ആവിക്കരയിലെ പരേതനായ അസൈനാറിന്റെ മകനാണ്. 20 ദിവസം മുമ്പ് മജ്ജ മാറ്റിവയ്ക്കല്‍ ശസ്ത്രക്രിയക്ക് വിധേയനായി ചികിത്സയിലായിരുന്നു. നാട്ടിലെ കലാ-സാമൂഹ്യ-സാംസ്‌കാരിക-ജീവ കാരുണ്യരംഗങ്ങളില്‍ സജീവ സാന്നിധ്യമായിരുന്ന മന്‍സൂറിന്റെ വിയോഗം നാടിനെ കണ്ണീരിലാഴ്ത്തി. മാപ്പിള കലാകാരന്മാരുടെ സംഘടനയായ ‘ഉമ്മാസി’ന്റെ സെക്രട്ടറിയുമാണ്. മൃതദേഹം കാഞ്ഞങ്ങാട്, മീനാപ്പീസ് അങ്കണത്തില്‍ വന്‍ ജനാവലിയുടെ സാന്നിധ്യത്തില്‍ ഖബറടക്കി. മാതാവ്: ഖദീജ. സഹോദരങ്ങള്‍: നസീമ, ഖൈറുന്നീസ.