‘കേരളം സുന്ദരമായ പ്രദേശം, എനിക്ക് തിരിച്ചു പോകണ്ട’; ബ്രിട്ടീഷ് യുദ്ധ വിമാനത്തെ പരസ്യമാക്കി ടൂറിസം വകുപ്പ്
തിരുവനന്തപുരം: യന്ത്ര തകരാറിനെ തുടര്‍ന്ന് തിരുവനന്തപുരം വിമാനത്താവളത്തില്‍ ഇറക്കിയ ബ്രിട്ടീഷ് യുദ്ധ വിമാനമായ എഫ് 35നെ പരസ്യത്തില്‍ ഉള്‍പ്പെടുത്തി കേരള ടൂറിസം വകുപ്പ്. ഒരിക്കല്‍ വന്നാല്‍ തിരിച്ചു പോകാന്‍ തോന്നില്ലെന്ന ക്യാപ്ഷനൊപ്പം വിമാനത്തിന്റെ ചിത്രവും ഉള്‍പ്പെടുത്തിയാണ് പുതിയ പരസ്യം പുറത്തിറക്കിയത്.‘കേരളം സുന്ദരമായ പ്രദേശമാണ്. എനിക്ക് തിരിച്ചു പോകണ്ട, തീര്‍ച്ചയായും ശുപാര്‍ശ ചെയ്യുന്നു’ എന്ന് വിമാനം അഭിപ്രായപ്പെടുന്നതും 5 സ്റ്റാറുകള്‍ നല്‍കുന്നതുമാണ് ടൂറിസം വകുപ്പ് പങ്കുവച്ച പോസ്റ്ററിലുള്ളത്.അറബിക്കടലില്‍ സൈനികാഭ്യാസത്തിനെത്തിയ എച്ച്എംഎസ് പ്രിന്‍സ് ഓഫ് വെയില്‍സ് എന്ന യുദ്ധക്കപ്പലില്‍ നിന്നു …
