കാസർകോട്: കരിന്തളം നെല്ലിയടുക്കം കിളിയളം ചാലിൽ രണ്ട് ദിവസം മുമ്പ് ഒഴുകിയെത്തിയ അജ്ഞാത മൃതദേഹം തിരിച്ചറിഞ്ഞു. ബാനം അമ്പലത്തിന് സമീപത്തെ കെ വി രാജൻ (52) ആണ് മരണപ്പെട്ടത്. വീടിന്റെ മുന്നിലൂടെ ഒഴുകുന്ന ചാലിൽ ഒഴുക്കിൽപ്പെട്ട് മരിച്ചതാണെന്നാണ് സംശയിക്കുന്നത്. വർഷങ്ങളായി വിവാഹബന്ധം വേർപെടുത്തി ഒറ്റയ്ക്ക് കഴിയുകയായിരുന്നു. മൃതദേഹം കഴിഞ്ഞദിവസം മറവു ചെയ്തിരുന്നു. നീലേശ്വരം പൊലീസ് കേസെടുത്ത് അന്വേഷണം ആരംഭിച്ചു. പരേതരായ കുഞ്ഞിരാമന്റെയും മാധവിയുടെയും മകനാണ്. സഹോദരങ്ങൾ: വിജയൻ, ബാബു (ബിരിക്കുളം ).