കാസർകോട്: പനിബാധിച്ച് 7 വയസ്സുകാരി മരിച്ചു. ബദിര പി ടി എം എ യു പി സ്കൂൾ രണ്ടാം ക്ലാസ്സ്‌ വിദ്യാർഥിനി ഫാത്തിമത്ത് ശബാന(7) ആണ് മരിച്ചത്. പനിയും തലവേദനയും മൂലം രണ്ടു ദിവസമായി ചികിത്സയിലായിരുന്നു. വെള്ളിയാഴ്ച ആശുപത്രിയിൽ എത്തിയെങ്കിലും രക്ഷിക്കാനായില്ല. മംഗളൂരുവിൽ പലചരക്കു വ്യാപാരിയും പാണലം സ്വദേശിയുമായ ഉമ്മറിന്റെയും സി എ നസീബയുടെയും മകളാണ്. സൗബാൻ, മുഹമ്മദ് എന്നിവരാണ് സഹോദരങ്ങൾ. ശബാനയുടെ നിര്യാണത്തിൽ ദുഖസൂചകമായി ശനിയാഴ്ച സ്കൂളിന് അവധി പ്രഖ്യാപിച്ചു.