ആലപ്പുഴ: കുട്ടനാട്ടിൽ കുടുംബ വഴക്കിനെ തുടർന്ന് ഭർത്താവ് ഭാര്യയെ കുത്തിക്കൊന്നു. രാമങ്കേരി സ്വദേശി വിദ്യ(42) ആണ് മരിച്ചത്. ഭർത്താവ് വിനോദിനെ(50) പൊലീസ് കസ്റ്റഡിയിലെടുത്തു. രാമങ്കരി ജംക്ഷനിൽ ഹോട്ടൽ നടത്തിവരികയായിരുന്നു ദമ്പതികൾ. വിദ്യയിലുള്ള സംശയമാണ് കൊലപാതകത്തിലേക്കു നയിച്ചതെന്നാണ് സൂചന. ബുധനാഴ്ച രാത്രി 10.30ഓടെ ഇരുവരും തമ്മിൽ വഴക്കുണ്ടായി. ഇതിനിടെ വിനോദ് വിദ്യയെ കുത്തുകയായിരുന്നു. വിദ്യയുടെ മൃതദേഹം ആലപ്പുഴ മെഡിക്കൽ കോളജ് ആശുപത്രിയിലേക്ക് മാറ്റി.