കാസര്‍കോട്: ഇതരസംസ്ഥാന തൊഴിലാളിയായ യുവാവിനെ താമസ സ്ഥലത്ത് മരിച്ച നിലയില്‍ കണ്ടെത്തി. കൊലയെന്ന് സംശയം. പശ്ചിമബംഗാള്‍ സ്വദേശി സുശാന്ത് റായ് (28) ആണ് മരിച്ചത്. തിങ്കളാഴ്ച പുലര്‍ച്ചെ ഒരു മണിയോടെ നഗരത്തിലെ ആനബാഗിലുവിലെ താമസസ്ഥലത്താണ് അവശനിലയില്‍ നിലയില്‍ കണ്ടെത്തിയത്. ആശുപത്രിയില്‍ എത്തിച്ചെങ്കിലും മരണപ്പെട്ടു. മൃതദേഹം ജനറല്‍ ആശുപത്രി മോര്‍ച്ചറിയിലേക്ക് മാറ്റി. ശരീരത്തില്‍ പരിക്കുള്ളതായാണ് വിവരം. ഇതര സംസ്ഥാന തൊഴിലാളികള്‍ തമ്മില്‍ സംഘര്‍ഷം നടന്നതായി പറയപ്പെടുന്നു. സംഭവത്തെ തുടര്‍ന്ന് കാസര്‍കോട് ടൗണ്‍ പൊലീസ് സ്ഥലത്തെത്തി.അസ്വാഭാവിക മരണത്തിന് പൊലീസ് കേസെടുത്തു.
