-പി പി ചെറിയാന്
ഹ്യൂസ്റ്റണ്,ടെക്സസ്: വീട്ടിലെ വൈ-ഫൈ ഓഫാക്കിയതിന് അമ്മയെ കൊല്ലാന് പദ്ധതിയിട്ട മൂന്ന് കൗമാരക്കാരായ സഹോദരിമാരെ അറസ്റ്റ് ചെയ്തു.
ബാര്ക്കേഴ്സ് ക്രോസിംഗ് അവന്യൂവിലെ 3400 ബ്ലോക്കില് ഞായറാഴ്ച രാത്രിയായിരുന്നു സംഭവമെന്ന് ഹാരിസ് കൗണ്ടി ഡെപ്യൂട്ടികള് പറയുന്നു.
14, 15, 16 വയസ്സ് പ്രായമുള്ള പെണ്കുട്ടികള് അടുക്കളയിലെ കത്തികള് എടുത്ത് അമ്മയെ വീടിനുള്ളിലൂടെയും തെരുവിലേക്കും ഓടിച്ചുകയറ്റി കുത്താന് ശ്രമിച്ചതായി റിപ്പോര്ട്ടുണ്ട്. കൗമാരക്കാരില് ഒരാള് അമ്മയെ ഇഷ്ടികകൊണ്ട് അടിച്ചതായി അധികൃതര് പറയുന്നു. അമ്മയെ സംരക്ഷിക്കാന് ശ്രമിക്കുന്നതിനിടെ അവരുടെ മുത്തശ്ശിയെയും ഇടിച്ചു വീഴ്ത്തി.
മൂന്ന് കൗമാരക്കാരെയും അറസ്റ്റ് ചെയ്യുകയും മാരകായുധം ഉപയോഗിച്ചുള്ള ഗുരുതരമായ പീഡനത്തിന് കേസെടുക്കുകയും ചെയ്തു. എല്ലാവര്ക്കുമെതിരെ ഹാരിസ് കൗണ്ടി ജുവനൈല് ഫെസിലിറ്റി കേസെടുത്തു.