കൊല്ലം: വീട്ടുവളപ്പില്‍ നട്ടുവളര്‍ത്തിയ 38 കഞ്ചാവു ചെടികളും വീട്ടിനകത്തു സൂക്ഷിച്ചിരുന്ന പത്തര കിലോ കഞ്ചാവുമായി രണ്ടുപേര്‍ അറസ്റ്റില്‍. ഓച്ചിറ, മേമനയിലെ മനീഷ്, അഖില്‍ കുമാര്‍ എന്നിവരെയാണ് എക്‌സൈസ് സംഘം അറസ്റ്റു ചെയ്തത്. എക്‌സൈസ് എന്‍ഫോഴ്‌സ് സംഘത്തിനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കഞ്ചാവ് കൃഷി കണ്ടെത്തിയത്. അടുക്കളയോട് ചേര്‍ന്നുള്ള ഭാഗത്താണ് പ്രധാനമായും കഞ്ചാവ് ചെടികള്‍ നട്ടിരുന്നതെന്നു എക്‌സൈസ് അധികൃതര്‍ പറഞ്ഞു. കൃഷി ചെയ്തു ലഭിച്ചതെന്നു കരുതുന്ന പത്തര കിലോ കഞ്ചാവ് വീട്ടില്‍ നിന്നു കണ്ടെടുത്തതായി കൂട്ടിച്ചേര്‍ത്തു.
