മലപ്പുറം: മരണവീട്ടിലേക്ക് സ്കൂട്ടറിൽ പോവുകയായിരുന്ന മാതാവിനെയും മകളെയും മറികടന്നെത്തിയ ബൈക്ക് യാത്രക്കാരൻ വെട്ടി പരിക്കേൽപ്പിച്ചു. മുന്നിയൂർ പാലക്കലിലെ സുമി ( 40), മകൾ ഷബ ഫാത്തിമ ( 17 ) എന്നിവരെയാണ് വെട്ടി പരിക്കേൽപ്പിച്ചത്. ഇവരെ തിരൂരങ്ങാടി താലൂക്ക് ആശുപത്രിയിൽ പ്രവേശിപ്പിച്ചു. ഇരുവരുടെയും വലതു കൈക്കാണ് പരിക്ക്. ഇവർ താമസിച്ചിരുന്ന കൂരിയാട്ടെ മരണവീട്ടിലേക്ക് സ്കൂട്ടറിൽ പോവുകയായിരുന്നു മാതാവും മകളും. ഇവരെ ഓവർടേക്ക് ചെയ്ത ബൈക്ക് യാത്രക്കാരനാണ് ആക്രമിച്ചത്. തിരൂരങ്ങാടി പൊലീസ് അന്വേഷണം ആരംഭിച്ചു.
