കാസര്‍കോട്: മടിക്കൈ എരിക്കുളത്ത് പാചക വാതക സിലിണ്ടര്‍ പൊട്ടിത്തെറിച്ച് പെട്ടിക്കട പൂര്‍ണ്ണമായും കത്തി നശിച്ചു. ബുധനാഴ്ച ഉച്ചയ്ക്ക് ഒരു രണ്ടുമണിയോടെയാണ് സംഭവം. മടിക്കൈ സ്‌കൂളിന് സമീപത്തുള്ള പെട്ടിക്കടയിലെ ഗ്യാസ് സിലിണ്ടര്‍ ആണ് പൊടുന്നനെ പൊട്ടിത്തെറിച്ചത്. ലക്ഷംവീട് കോളനിയില്‍ താമസിക്കുന്ന സ്ത്രീയുടേതാണ് പെട്ടിക്കട. സിലിണ്ടര്‍ പൊട്ടിത്തെറിച്ചതോടെ സമീപത്തെ സ്ഥലത്ത് തീ പടര്‍ന്നു. രണ്ടേക്കറോളം പുല്ലും കാടും കത്തി. അഗ്‌നിരക്ഷാസേനയും നാട്ടുകാരും ചേര്‍ന്ന് തീയണച്ചു.