ഉപ്പളയിൽ വെട്ടേറ്റു പരിക്കേറ്റ ആൾ മരിച്ചു; പ്രതിക്ക് വേണ്ടിയുള്ള അന്വേഷണം ഊർജ്ജിതമാക്കി

കാസർകോട്: ഉപ്പളയിൽ വെട്ടേറ്റു പരിക്കുകളോടെ ആശുപത്രിയിൽ പ്രവേശിപ്പിച്ച ആൾ മരിച്ചു. പയ്യന്നൂർ സ്വദേശി സുരേഷ് കുമാറാ(48)ണ് മരിച്ചത്. ചൊവ്വാഴ്ച രാത്രി 10 മണിയോടെയാണ് സംഭവം. സുരേഷിനെ പത്വാടി സ്വദേശി സവാദ്(23) ആണ് ടൗണിൽ വച്ച് വെട്ടി പരിക്കേൽപ്പിച്ചത്. പരിക്കേറ്റ് നിലത്ത് വീണ സുരേഷിനെ നാട്ടുകാർ ഉടൻ തന്നെ ഉപ്പളയിലെ ആശുപത്രിയിൽ പ്രവേശിപ്പിച്ചിരുന്നു. പരിക്ക് ഗുരുതരമായതിനാൽ പൊലീസിന്റെ സഹായത്തോടെ മംഗളൂരു വെൻലോക് ആശുപത്രിയിൽ എത്തിച്ചുവെങ്കിലും മരണപ്പെടുകയായിരുന്നു. മരണപ്പെട്ടതോടെ പ്രതിക്കു വേണ്ടിയുള്ള അന്വേഷണം മഞ്ചേശ്വരം പൊലീസ് ഊർജിതമാക്കി. ഉപ്പളയിലെ ഫ്ലാറ്റിലെ വാച്ചുമാനാണ് കൊല്ലപ്പെട്ട സുരേഷ്. സവാദും സുരേഷ് കുമാറും തമ്മിൽ വാക്കേറ്റം നടന്നതായി പറയുന്നു. അതേസമയം കൊലപ്പെടുത്താനുള്ള കാരണം വ്യക്തമല്ല.

Subscribe
Notify of
guest
0 Comments
Oldest
Newest Most Voted
Inline Feedbacks
View all comments
RELATED NEWS
രേഷ്മയുടെ കൊലപാതകം: പ്രതി ബിജു പൗലോസിനെ മൂന്നു ദിവസത്തേയ്ക്ക് ക്രൈംബ്രാഞ്ച് കസ്റ്റഡിയില്‍ വിട്ടു; പ്രതിയെ പാണത്തൂരില്‍ എത്തിച്ച് തെളിവെടുപ്പ് തുടങ്ങി, ഫയര്‍ഫോഴ്സിന്റെ സ്‌കൂബ ടീമും രംഗത്ത്, ബാറുടമയെ കുറിച്ച് അന്വേഷിക്കാന്‍ ഹൈക്കോടതി നിര്‍ദ്ദേശം