കോഴിക്കോട്: സമസ്ത കേരള ജംഇയ്യത്തൂല്‍ ഉലമയുടെ നൂറാം വാര്‍ഷിക സമ്മേളനം കാസര്‍കോട്ട് നടത്താന്‍ തീരുമാനിച്ചു. കഴിഞ്ഞ ദിവസം കോഴിക്കോട്ട് നടന്ന സമസ്ത കേന്ദ്ര മുശാവറ യോഗത്തിന്റേതാണ് തീരുമാനം. രണ്ടു പതിറ്റാണ്ടുകള്‍ക്കു ശേഷമാണ് സമസ്ത സമ്മേളനത്തിനു കാസര്‍കോട് വേദിയൊരുങ്ങുന്നത്. കഴിഞ്ഞ ലോക്‌സഭാ തെരഞ്ഞെടുപ്പിനു പിന്നാലെ സമസ്തയില്‍ ഉയര്‍ന്ന വിവാദങ്ങള്‍ തുടരുന്നതിനിടയിലാണ് സമസ്തയുടെ നൂറാം വാര്‍ഷിക സമ്മേളനം എത്തുന്നത്.