കോഴിക്കോട്: കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന യുവാവ് ജീവനൊടുക്കി. തലശ്ശേരി വൈദ്യരവിട സ്വദേശിയായ അസ്‌കര്‍ ആണ് മരിച്ചത്. പാന്‍ക്രിയാസ് സംബന്ധമായ അസുഖത്തെത്തുടര്‍ന്ന് ഞായറാഴ്ചയാണ് ഇയാളെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. ചൊവ്വാഴ്ച പുലര്‍ച്ചെ 1.15 മണിക്ക് വാര്‍ഡിലെ ജനല്‍ വഴി പുറത്തേക്ക് ചാടുകയായിരുന്നുവെന്നു മറ്റു രോഗികളുടെ കൂടെയുണ്ടായിരുന്നവര്‍ പറഞ്ഞു. കടുത്ത വേദനയെ തുടര്‍ന്നാണ് അസ്‌കര്‍ ജീവനടുക്കിയതെന്നു സംശയിക്കുന്നു. മെഡിക്കല്‍ കോളേജ് പൊലീസ് കേസെടുത്തു.