ന്യൂഡല്‍ഹി: പ്രമുഖ സാമ്പത്തിക വിദഗ്ധനും പ്രധാനമന്ത്രി നരേന്ദ്ര മോദിയുടെ സാമ്പത്തിക ഉപദേശക സമിതി മേധാവിയുമായ ബിബേക് ഡെബ്രോയ് (69) അന്തരിച്ചു. കുടല്‍ സംബന്ധമായ അസുഖത്തെ തുടര്‍ന്ന് വെള്ളിയാഴ്ച രാവിലെ 7 മണിക്ക് ഡല്‍ഹിയിലെ എയിംസില്‍ വെച്ചായിരുന്നു അന്ത്യം. പത്മശ്രീ അവാര്‍ഡ് ജേതാവായ ബിബേക് ഡെബ്രോയ് എഴുത്തുകാരനും കൂടിയാണ്. സാമ്പത്തിക ശാസ്ത്രം, ചരിത്രം, സംസ്‌കാരം, രാഷ്ട്രീയം, ആത്മീയത തുടങ്ങിയ വൈവിധ്യമാര്‍ന്ന മേഖലകളില്‍ അവഗാഹം നേടിയിരുന്നു. മഹാഭാരതവും ഭഗവദ് ഗീതയും ഉള്‍പ്പെടെയുള്ള ക്ലാസിക്കല്‍ സംസ്‌കൃത ഗ്രന്ഥങ്ങള്‍ വിവര്‍ത്തനം ചെയ്തിട്ടുണ്ട്. കൂടാതെ പൂനെയിലെ ഗോഖലെ ഇന്‍സ്റ്റിറ്റ്യൂട്ട് ഓഫ് പൊളിറ്റിക്സ് ആന്‍ഡ് ഇക്കണോമിക്സിന്റെ (ജിപിഇ) ചാന്‍സലറായി സേവനമനുഷ്ഠിച്ചിട്ടുണ്ട്.
നരേന്ദ്രപൂരിലെ രാമകൃഷ്ണ മിഷന്‍ സ്‌കൂളിലാണ് അദ്ദേഹം പഠിച്ചത്. പ്രസിഡന്‍സി കോളേജ്, കൊല്‍ക്കത്ത, ഡല്‍ഹി സ്‌കൂള്‍ ഓഫ് ഇക്കണോമിക്‌സ്, കേംബ്രിഡ്ജിലെ ട്രിനിറ്റി കോളേജ് എന്നിവിടങ്ങളില്‍ തുടര്‍ പഠനങ്ങള്‍ നടത്തി. പൊതുനയത്തിനുള്ള അദ്ദേഹത്തിന്റെ സംഭാവനകള്‍ക്കപ്പുറം, നമ്മുടെ പുരാതന ഗ്രന്ഥങ്ങള്‍ യുവാക്കള്‍ക്ക് പ്രാപ്യമാക്കുന്നതിന് പ്രവര്‍ത്തിക്കുന്നതും അദ്ദേഹം ആസ്വദിച്ചു. കൊല്‍ക്കത്തയിലെ പ്രസിഡന്‍സി കോളേജ്, ഗോഖലെ ഇന്‍സ്റ്റിറ്റ്യൂട്ട് ഓഫ് പൊളിറ്റിക്സ് ആന്‍ഡ് ഇക്കണോമിക്‌സ്, പൂനെ, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഫോറിന്‍ ട്രേഡ്, ഡല്‍ഹി എന്നിവിടങ്ങളില്‍ അദ്ദേഹം പ്രവര്‍ത്തിച്ചിട്ടുണ്ട്. കൂടാതെ നിയമപരിഷ്‌കാരങ്ങള്‍ സംബന്ധിച്ച ധനകാര്യ മന്ത്രാലയത്തിന്റെ യുഎന്‍ഡിപി പദ്ധതിയുടെ ഡയറക്ടറായും സേവനമനുഷ്ടിച്ചിരുന്നു.
2019 ജൂണ്‍ 5 വരെ നിതി ആയോഗ് അംഗം കൂടിയായിരുന്നു ബിബേക് ദെബ്രോയ് ഡിബ്രോയ്. നിരവധി പുസ്തകങ്ങളും പേപ്പറുകളും ജനപ്രിയ ലേഖനങ്ങളും രചിച്ചിക്കുകയും ചെയ്തിട്ടുണ്ട്, കൂടാതെ നിരവധി പത്രങ്ങളില്‍ കണ്‍സള്‍ട്ടിംഗ് സംഭാവന എഡിറ്ററും കൂടിയാണ് അദ്ദേഹം. സുപര്‍ണാ ബാനര്‍ജിയാണ് ഭാര്യ.
