ന്യൂഡൽഹി: ദീപാവലി പ്രധാനമന്ത്രി സൈനികർക്കൊപ്പം ആഘോഷിച്ചു. സേനാംഗങ്ങൾക്കു അദ്ദേഹം മധുര പലഹാരങ്ങൾ സമ്മാനിച്ചു. ഗുജറാത്ത് കച്ചിലെ സർക്രീക്ക് മേഖലയിലെ ലക്കി നിലയിലായിരുന്നു ആഘോഷം. അതിർത്തി രക്ഷാ സേനാംഗങ്ങൾ, കര-നാവിക-വ്യോമ സേനാംഗങ്ങൾ പങ്കെടുത്തു. സൈനിക വേഷത്തിലാണ് മോദി സൽക്കാരത്തിനെത്തിയത്. കടുത്ത ചൂടും രാത്രികാലങ്ങളിൽ അതിരൂക്ഷമായ തണുപ്പും അനുഭവപ്പെടുന്ന പ്രദേശത്തായിരുന്നു അതിഥി സൽക്കാരം. 2014 ൽ പ്രധാനമന്ത്രിയായതു മുതൽ എല്ലാ വർഷവും സൈനികർക്കൊപ്പമാണ് നരേന്ദ്രമോദി ദീപാവലി ആഘോഷക്കുന്നത്. സന്തോഷ പൂർണവും ആരോഗ്യകരവും സുരക്ഷിതവുമായ ദീപാവലി ആശംസ മുഴുവൻ ജനവിഭാഗങ്ങൾക്കും പ്രധാനമന്ത്രി നേർന്നു.
