തിരുവനന്തപുരം: വെള്ളിയാഴ്ച മുതല്‍ രണ്ടു ദിവസത്തേക്ക് സംസ്ഥാനത്ത് ഒറ്റപ്പെട്ട കനത്ത മഴയ്ക്കു സാധ്യതയുണ്ടെന്നു കാലാവസ്ഥാ നിരീക്ഷണ വകുപ്പ് അറിയിച്ചു. തെക്കന്‍ ജില്ലകളായ തിരുവനന്തപുരം, പത്തനംതിട്ട, കൊല്ലം, ഇടുക്കി ജില്ലകളില്‍ വെള്ളിയാഴ്ചയും മലപ്പുറം, പാലക്കാട്, കോഴിക്കോട്, വയനാട് ജില്ലകളില്‍ ശനിയാഴ്ചയും യെല്ലോ അലര്‍ട്ട് പ്രഖ്യാപിച്ചു. ഈ ദിവസങ്ങളില്‍ 11 സെന്റീമീറ്റര്‍ വരെ ശക്തമായ മഴയുണ്ടായേക്കുമെന്നു മുന്നറിയിപ്പില്‍ പറഞ്ഞു.
