മലപ്പുറം: ബൈക്ക് ഡിവൈഡറിലിടിച്ചു രണ്ടു യുവാക്കള്‍ മരിച്ചു.
കോട്ടക്കല്‍ പടപ്പറമ്പ് പാംഗിലെ നിയാസ് (19), റനീസ് (19) എന്നിവരാണ് മരിച്ചത്. ഇന്നലെ രാത്രി മലപ്പുറം-കോഴിക്കോട് ദേശീയ പാതയിലെ മുന്നിയൂര്‍ പടിക്കലായിരുന്നു അപകടം. ദേശീയ പാതയില്‍ നിന്നു സര്‍വ്വീസ് റോഡിലേക്കുള്ള വഴിയില്‍ സ്ഥാപിച്ച ഡിവൈഡറില്‍ ബൈക്കിടിച്ചായിരുന്നു അപകടം. റോഡിലേക്കു തെറിച്ചുവീണ ഇവരെ ആശുപത്രികളിലെത്തിച്ചെങ്കിലും ജീവന്‍ രക്ഷിക്കാനായില്ല. റോഡിലെ വെളിച്ചക്കുറവായിരുന്നു അപകടകാരണമെന്നു പറയുന്നു.
