കാസര്‍കോട്: രൂപമാറ്റം വരുത്തിയ ബുള്ളറ്റിന്റെ ഫോട്ടോയെടുത്ത പൊലീസുകാരോട് പഞ്ചായത്തംഗം തട്ടിക്കയറിയതായി പരാതി. മംഗല്‍പ്പാടി പഞ്ചായത്തിലെ മുസ്ലിംലീഗ് അംഗം മുഹമ്മദ് ഹുസൈനെതിരെ മഞ്ചേശ്വരം പൊലീസ് കേസെടുത്തു. വ്യാഴാഴ്ച വൈകുന്നേരം ഉപ്പള ടൗണിലാണ് കേസിനാസ്പദമായ സംഭവം. മുഹമ്മദ് ഹുസൈന്‍ രൂപമാറ്റം വരുത്തിയ ബൈക്കില്‍ സഞ്ചരിക്കുന്നതു കണ്ട ട്രാഫിക് ഡ്യൂട്ടിയില്‍ ഉണ്ടായിരുന്ന പൊലീസുകാര്‍ ഫോട്ടോയെടുത്തു. ഇത് കണ്ട് മുഹമ്മദ് ഹുസൈന്‍ പൊലീസുകാരോട് തട്ടിക്കയറുകയായിരുന്നുവെന്നു പൊലീസ് പറഞ്ഞു.
