കാസര്‍കോട്: ദുബായിയില്‍ ബിസിനസ് പങ്കാളിത്തം വാഗ്ദാനം ചെയ്ത് പരവനടുക്കം സ്വദേശിയുടെ 1.60 കോടി രൂപ തട്ടിയെടുത്തതായി പരാതി. കോടതി നിര്‍ദ്ദേശ പ്രകാരം രണ്ടു പേര്‍ക്കെതിരെ ആദൂര്‍ പൊലീസ് കേസെടുത്തു അന്വേഷണം തുടങ്ങി. പരവനടുക്കം, ആരിഫ് ക്വാര്‍ട്ടേഴ്‌സില്‍ താമസക്കാരായ എം. മുഹമ്മദ് അഷ്‌റഫിന്റെ പരാതിയില്‍ മുളിയാര്‍, ബെള്ളിപ്പാടിയിലെ എം. മുഹമ്മദ് നവാസ്, ചെങ്കള റഹ്്മത്ത് നഗറിലെ ഇബ്രാഹിം എന്നിവര്‍ക്കെതിരെയാണ് കേസെടുത്തത്.
2015 ജനുവരി മുതല്‍ 2018 ഡിസംബര്‍ വരെയുള്ള കാലയളവിലാണ് പണം നല്‍കിയതെന്നു പരാതിയില്‍ പറഞ്ഞു. ദുബായിയിലെ സിവിക് ഓണ്‍ലൈന്‍ ജനറല്‍ ട്രേഡിംഗ് കമ്പനിയില്‍ പങ്കാളിത്തം നല്‍കാമെന്നായിരുന്നു വാഗ്ദാനമെന്നു പരാതിയില്‍ പറഞ്ഞു. എന്നാല്‍ പിന്നീട് ലാഭവിഹിതമോ, നിക്ഷേപ തുകയോ തിരികെ നല്‍കാതെ വഞ്ചിച്ചുവെന്നു മുഹമ്മദ് അഷ്‌റഫ് നല്‍കിയ പരാതിയില്‍ പറഞ്ഞു.
ബംഗ്ലദേശ് കറൻസിയിൽ നിന്ന് മുജീബുർ റഹ്മാനെ നീക്കി: പകരം ക്ഷേത്രങ്ങളും കൊട്ടാരങ്ങളും
Sunday, 1 June 2025, 22:21
