തിരുവല്ല: കത്തിക്കരിഞ്ഞ കാറിനകത്തു ദമ്പതികളെ വെന്തു മരിച്ച നിലയില്‍ കണ്ടെത്തി. തിരുവല്ല, വേങ്ങലില്‍ റോഡരുകിലാണ് കാര്‍ കാണപ്പെട്ടത്. രാജുതോമസ് ഭാര്യ ലൈജി തോമസ് എന്നിവരാണ് മരിച്ചത്. തിരുവല്ല, തുകലശ്ശേരി സ്വദേശികളാണ് ഇരുവരും. അപകടമാണോ, ആത്മഹത്യയാണോ എന്നു വ്യക്തമല്ല. തോടും പാടവും ഉള്ള സ്ഥലത്ത് വെള്ളിയാഴ്ച ഉച്ചകഴിഞ്ഞാണ് കാര്‍ കത്തിക്കരിഞ്ഞ നിലയില്‍ കണ്ടെത്തിയത്. പട്രോളിംഗ് നടത്തുകയായിരുന്ന പൊലീസുകാരാണ് സംഭവം ആദ്യം കണ്ടത്. ഫയര്‍ഫോഴ്സെത്തി തീയണക്കുമ്പോഴേക്കും കാര്‍ പൂര്‍ണ്ണമായും കത്തി നശിച്ചിരുന്നു. ദമ്പതികളുടെ ഏകമകന്‍ ആശുപത്രിയില്‍ ചികിത്സയിലാണ്.