ബംഗളൂരു: പി ജി ഹോസ്റ്റലില് യുവതിയെ കഴുത്തറുത്ത് കൊല്ലപ്പെട്ട നിലയില് കണ്ടെത്തി. കോറമംഗല വി ആര് ലേ ഔട്ടിലെ സ്വകാര്യ ഹോസ്റ്റലില് താമസിക്കുന്ന ബിഹാര് സ്വദേശിനി കൃതി കുമാരി(22) ആണ് കൊല്ലപ്പെട്ടത്. ചൊവ്വാഴ്ച അര്ധരാത്രിയോടെയായിരുന്നു സംഭവം. യുവതി താമസിക്കുന്ന കെട്ടിടത്തില് കയറി കഴുത്തറുത്താണ് കൊലപാതകം നടത്തിയിരിക്കുന്നതെന്നും യുവതി സംഭവസ്ഥലത്തുവെച്ച് തന്നെ മരിച്ചെന്നും ഡിസിപി വ്യക്തമാക്കി. കൊല്ലപ്പെട്ട കൃതികുമാരി നഗരത്തിലെ സ്വകാര്യ കമ്പനിയില് ജീവനക്കാരിയാണ്. ഹോസ്റ്റല് കെട്ടിടത്തിലെ മൂന്നാംനിലയിലെ മുറിയ്ക്ക് സമീപം വെച്ചാണ് യുവതിയെ കൊലപ്പെടുത്തിയത്. യുവതിയെ പരിചയമുള്ളയാളാണ് കൃത്യത്തിന് പിന്നിലെന്നാണ് പൊലീസിന്റെ സംശയം. ആളെക്കുറിച്ച് സൂചന ലഭിച്ചിട്ടുണ്ട്. സൗത്ത് ഈസ്റ്റ് ഡിവിഷന് ഡിസിപി സാറാ ഫാത്തിമ സ്ഥലത്തെത്തി പരിശോധ നടത്തി. സിസിടിവി ദൃശ്യങ്ങള് കേന്ദ്രീകരിച്ച് അന്വേഷണം ആരംഭിച്ചിട്ടുണ്ട്. സുഹൃത്തിനെ കേന്ദ്രീകരിച്ചാണ് അന്വേഷണം നടക്കുന്നത്.