കാസര്‍കോട്: ബെള്ളൂര്‍, പൊസോളിഗെയിലെ കോഴി അങ്ക സ്ഥലത്ത് പൊലീസ് റെയ്ഡ്. നാലു കോഴികളും 1920 രൂപയുമായി നാലു പേര്‍ അറസ്റ്റില്‍. രാധാകൃഷ്ണന്‍, അജിത്ത്, സന്തോഷ് കുമാര്‍, മുദ്ദ എന്നിവരാണ് അറസ്റ്റിലായത്. ഇവരെ പിന്നീട് ജാമ്യത്തില്‍ വിട്ടു. കോടതിയില്‍ ഹാജരാക്കിയ കോഴികളെ നടപടി ക്രമങ്ങള്‍ക്കു ശേഷം ലേലത്തില്‍ വിറ്റു. കോഴിപ്പോര് വ്യാപകമാണെന്ന വിവരത്തെ തുടര്‍ന്നാണ് പൊസോളിഗെയില്‍ റെയ്ഡ് നടത്തിയത്. വിവിധ പഞ്ചായത്തുകളില്‍ നിന്നും എത്തുന്നവരാണ് കോഴി പോരില്‍ ഏര്‍പ്പെടുന്നതെന്നു പൊലീസ് പറഞ്ഞു.
