കാസര്‍കോട്: കാഞ്ഞങ്ങാട് കൊളവയലില്‍ സ്‌കൂള്‍ ബസും ബൈക്കും കൂട്ടിയിടിച്ച് ഗൃഹനാഥന്‍ മരിച്ചു. രാവണീശ്വരം കൂട്ടക്കനി സ്വദേശിയും മരപ്പണിക്കാരനുമായ ചന്ദ്രൻ (60) ആണ് മരിച്ചത്. തിങ്കളാഴ്ച്ച രാവിലെ ഒന്‍പതോടെ ആണ് അപകടം. ജോലിയെടുക്കാനായി സുഹൃത്ത് മുരളിയോടൊപ്പം ബൈക്കിന്റെ പിറകിലിരുന്ന് യാത്ര ചെയ്യുകയായിരുന്ന ചന്ദ്രന്‍. കൊളവയലില്‍ വച്ച് അജാനൂരിലെ ക്രസ്സന്റ് സ്‌കൂള്‍ ബസുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ റോഡിലേക്ക് തെറിച്ച് വീണു. ഉടന്‍ ആശുപത്രിയില്‍ എത്തിച്ചുയെങ്കിലും മരണപ്പെട്ടു. സുഹൃത്തിനും പരിക്കുണ്ട്. സംസ്‌കാരം ചൊവ്വാഴ്ച. ഭാര്യ: ലളിത.
