സുല്‍ത്താന്‍ ബത്തേരി: എം.എഡി.എം.എയുമായി ആയുര്‍വേദ ഡോക്ടറെ പിടികൂടി. കരുനാഗപ്പള്ളി തൊടിയൂര്‍ തഴവ ചിറ്റുമല ഇടമരത്തുവീട്ടില്‍ എന്‍ അന്‍വര്‍ഷാ(32)യെയാണ് വയനാട് മുത്തങ്ങ ചെക്ക് പോസ്റ്റില്‍ വച്ച് അറസ്റ്റുചെയ്തത്. മൈസൂര്‍ പൊന്നാനി സ്വിഫ്റ്റ് ബസിലെ യാത്രക്കാരനായിരുന്നു ഡോക്ടര്‍. എക്‌സൈസ് ഇന്‍സ്‌പെക്ടര്‍ കെവി നിധിനും സംഘവും നടത്തിയ വാഹനപരിശോധനയിലാണ് ഡോക്ടറുടെ കയ്യില്‍ നിന്നും 160.77 ഗ്രാം എം.ഡിഎം.എ പിടികൂടിയത്. ഇതിന് അഞ്ചുലക്ഷം രൂപവരുമെന്ന് അധികൃതര്‍ അറിയിച്ചു. അന്‍വര്‍ ദുബായിയില്‍ സ്വന്തമായി ആയുര്‍വേദ ചികില്‍സാലയം നടത്തുണ്ട്.
