പതിനെട്ടാം ലോക്സഭയുടെ ആദ്യ സമ്മേളനത്തിന് തുടക്കം കുറിച്ചു. സ്പീക്കറായി ചുമതലയേറ്റ ഭര്തൃഹരി മഹത്താബ് 11 ഓടെ സഭയിലെത്തി നടപടികളാരംഭിച്ചു. ബിജെപി എംപി ഭര്തൃഹരി മഹ്താബ് പ്രോ ടേം സ്പീക്കറായി. പ്രസിഡന്റ് ദ്രൗപതി മുര്മുവാണ് അദ്ദേഹത്തിന് സത്യവാചകം ചൊല്ലിക്കൊടുത്തത്.
തുടര്ന്ന് എംപിമാരുടെ സത്യപ്രതിജ്ഞ ആരംഭിച്ചു. പ്രധാനമന്ത്രി നരേന്ദ്ര മോദി എംപിമാരില് ആദ്യം സത്യപ്രതിജ്ഞ ചെയ്തു. ജനങ്ങളുടെ പ്രതീക്ഷകള് സാക്ഷാത്കരിക്കാന് സര്ക്കാര് പ്രതിജ്ഞാബദ്ധരാണെന്ന് പാര്ലമെന്റ് സമ്മേളനത്തിന് മുന്നോടിയായി അം?ഗങ്ങളെ അഭിസംബോധന ചെയ്ത വേളയില് പ്രധാനമന്ത്രി നരേന്ദ്രമോദി പറഞ്ഞു. ഇത് മൂന്നാം തവണയാണ് മോദി ലോക് സഭാംഗമാകുന്നത്. 2014 മുതല് ജയിച്ചുവരുന്ന വാരാണസി സീറ്റ് അദ്ദേഹം നിലനിര്ത്തി.
ഭരണഘടനയുടെ ചെറുപതിപ്പുമായാണ് പ്രതിപക്ഷ എംപിമാര് ലോക്സഭയിലെത്തിയത്. പ്രധാനമന്ത്രിക്കുശേഷം മറ്റു കേന്ദ്ര മന്ത്രിമാര് സത്യപ്രതിജ്ഞ തുടങ്ങി. കേന്ദ്ര സഹമന്ത്രിമാരുടെ സത്യപ്രതിജ്ഞ ഉള്പ്പെടെ പൂര്ത്തിയായശേഷമായിരിക്കും എംപിമാരുടെ സത്യപ്രതിജ്ഞ നടക്കുക. കേരളത്തില് നിന്നുള്ള എംപിമാരുടെ സത്യപ്രതിജ്ഞ വൈകിട്ട് നാലിനായിരിക്കും ആരംഭിക്കുക. പതിനെട്ടാം ലോക്സഭയുടെ ആദ്യ സമ്മേളനത്തില് ഇന്നും നാളെയുമായി എംപിമാരുടെ സത്യപ്രതിജ്ഞയായിരിക്കും നടക്കുക.
കോണ്ഗ്രസ് എംപി കൊടിക്കുന്നില് സുരേഷിനെ പ്രോടേം സ്പീക്കറാക്കാത്തതില് പ്രതിപക്ഷ പ്രതിഷേധം നടക്കുന്നതിനിടെയാണ് മഹത്താബിന്റെ സത്യപ്രതിജ്ഞ നടന്നത്. അതേസമയം, സ്പീക്കര് സ്ഥാനാര്ത്ഥിയുടെ വിജയം ഉറപ്പാക്കാന് സര്ക്കാര് കോണ്ഗ്രസ് ഇതര ഇന്ത്യ സഖ്യ നേതാക്കളുടെ പിന്തുണ തേടിയതായുള്ള വിവരങ്ങളും പുറത്തുവന്നു. അതേസമം, ഡെപ്യൂട്ടി സ്പീക്കര് സ്ഥാനം പ്രതിപക്ഷത്തിന് നല്കണമെന്ന് കെസി വേണുഗോപാല് ആവശ്യപ്പെട്ടു.
നാളെ തുടങ്ങുന്ന ലോക്സഭ സമ്മേളനത്തിന്റെ ആദ്യ രണ്ട് ദിവസം അംഗങ്ങളുടെ സത്യപ്രതിജ്ഞയാണ് നടക്കുക.തുടക്കം തന്നെ നീറ്റ്, നെറ്റ്, ഓഹരി വിപണിയിലെ ചാഞ്ചാട്ട വിവാദം തുടങ്ങിയ വിഷയങ്ങള് ഉന്നയിക്കാനാണ് പ്രതിപക്ഷ തീരുമാനം. നീറ്റ് നെറ്റ് വിഷയങ്ങള് ഉന്നയിച്ച് രാഹുല്ഗാന്ധി ലോക്സഭയില് നോട്ടീസ് നല്കും.