കൊച്ചി: ഒരു കോടി രൂപയുടെ എം.ഡി.എം.എ.യുമായി യുവതി പിടിയിൽ. ബംഗളൂരു സ്വദേശിനി സർമിനെയാണ് ആലുവയിൽ പൊലീസ് അറസ്റ്റ് ചെയ്തത്. ചൊവ്വാഴ്ച വൈകിട്ട് ഡൽഹിയിൽ നിന്നു കേരള എക്സ്പ്രസിലാണ് ഇവർ ആലുവയിലിറങ്ങിയത്. ഇവർ കൊണ്ടുവന്ന വാട്ടർ ഹീറ്ററിൻ്റെ കോയിലിനുള്ളിൽ ഒളിപ്പിച്ചാണ് മയക്കു മരുന്നു കടത്തിയിരുന്നത്. എറണാകുളം റൂറൽ എസ്.പി. വൈഭവ് സക്സേനക്കു ലഭിച്ച രഹസ്യവിവരത്തെത്തുടർന്നാണ് പൊലീസ് സംഘം സർവിനെ പിടികൂടിയത്. ബംഗളൂരു മുനീശ്വരനഗർ സ്വദേശിനിയാണ് യുവതി. ഇവർ മുമ്പും ഇത്തരത്തിൽ മയക്കു മരുന്നു കടത്തിയിട്ടുണ്ടാവുമെന്നു പൊലീസ് സംശയിക്കുന്നു. മയക്കു വരുന്നു ഇവരിൽ നിന്നു ഏറ്റുവാങ്ങാൻ റയിൽവേ സ്റ്റേഷനിലെത്തിയവരെ കണ്ടെത്താൻ പൊലീസ് അന്വേഷണം വ്യാപകമാക്കിയിട്ടുണ്ട്. അടുത്തിടെ കൊച്ചിയിൽ നടക്കുന്ന ഏറ്റവും വലിയ മയക്കുമരുന്ന് വേട്ടയാണെന്ന് പൊലീസ് പറഞ്ഞു.
![](https://mlozaudj56ft.i.optimole.com/w:576/h:450/q:mauto/f:best/https://malayalam.karavaldaily.com/wp-content/uploads/2024/07/inbound3740448758195716508.jpg)